Staje luntana da stu core,
a tte volo cu o penziero:
niente voglio e niente spero
ca tenerte sempe a fianco a mme!
si sicura e cchist'ammore
comm'i so sicuro e tte...

Oje vita, oje vita mia...
oje core e cchistu core...
si stata o primm'ammore...
e o primmo e ll'ùrdemo sarraje pe mme!

Quanta notte num tte veco,
num tte sento int'a sti bbracce,
num tte vaso cchesta faccia,
num tt'astregno forte m'bbraccio a mme?!
ma, scetánnome a sti suonne,
mme faje cchiagnere pe tte...

Oje vita, oje vita mia...
oje core e cchistu core...
si stata o primm'ammore...
e o primmo e ll'ùrdemo sarraje pe mme!

Scrive sempe e sta cuntenta:
io nun penzo che a tte sola...
nu penziero mme cunzola,
ca ttu pienze sulamente a mme...
a cchiù bbella e tutt'e bbelle,
num è maje cchiù bbella e tte!

Oje vita, oje vita mia...
oje core e cchistu core...
si stata o primm'ammore...
e o primmo e ll'ùrdemo sarraje pe mme!